ബംഗാൾ ഉൾക്കടലിന്റെ വടക്ക് കിഴക്കൻ മേഖലയിൽ വീണ്ടും ന്യൂനമർദ്ദം രൂപപ്പെട്ടു



ബംഗാൾ ഉൾക്കടലിന്റെ വടക്ക് കിഴക്കൻ മേഖലയിൽ ഇന്ന് ന്യൂനമർദ്ദം രൂപപ്പെട്ടു. ന്യൂനമർദ്ദം നാളെ തീവ്ര ന്യൂനമർദ്ദമായി മാറും. മ്യാൻമർ, ബംഗ്ലാദേശ് തീരത്തോട് ചേർന്ന് ഇന്ന് രാവിലെയാണ് ന്യൂനമർദ്ദം രൂപപ്പെട്ടത്. വൈകിട്ടോടെ ഇത് ശക്തിപ്പെട്ടു വെൽ മാർക്ക്ഡ്
ലോ പ്രഷർ ആയി മാറി. നാളെ രാവിലെ ഇത് തീവ്ര ന്യൂനമർദ്ദം ആകും എന്നാണ് പ്രതീക്ഷിക്കുന്നത്. തുടർന്ന് വടക്ക് പടിഞ്ഞാറ് ദിശയിൽ സഞ്ചരിക്കുന്ന ന്യൂനമർദ്ദം അടുത്ത ദിവസങ്ങളിൽ ഒഡീഷ തീരത്തേക്ക് എത്തിച്ചേരും. ഈ സിസ്റ്റം കേരളത്തെ ബാധിക്കാൻ ഇടയില്ല. വടക്കൻ ഒഡീഷയിലും ബംഗാൾ മേഖലയിലും ന്യൂനമർദ്ദം കനത്ത മഴ നൽകും . തെക്ക്, മധ്യ കേരളത്തിൽ നാളെ മുതൽ വൈകിട്ട് കിഴക്കൻ മേഖലകളിൽ ഇടിയോടെ മഴക്ക് സാധ്യത.