പൂഞ്ചിൽ വ്യോമസേനാ വാഹനവ്യൂഹത്തിന് നേരെ ഭീകരാക്രമണം: ഒരു ജവാന് വീരമൃത്യു, ഒരാൾക്ക് ഗുരുതര പരിക്ക്
ദില്ലി: ജമ്മു കശ്മീരിലെ പൂഞ്ച് സെക്ടറിൽ സൈനിക വാഹനവ്യൂഹത്തിന് നേരെ ഭീകരരുടെ ആക്രമണത്തിൽ പരിക്കേറ്റ ഒരു ജവാൻ വീര ചരമമടഞ്ഞു. ഒരാളുടെ നില അതീവ ഗുരുതരമാണെന്ന് സൈന്യം അറിയിച്ചു. പൂഞ്ചിലെ സുരൻകോട്ടയിലാണ് ഇന്ന് വൈകിട്ട് വ്യോമസേനാംഗങ്ങൾ സഞ്ചരിക്കുകയായിരുന്ന വാഹന വ്യൂഹത്തിന് നേരെ ആക്രമണം നടന്നത്. ഭീകരര്‍ വാഹനവ്യൂഹത്തിന് നേരെ വെടിയുതിര്‍ക്കുകയായിരുന്നു എന്നാണ് വിവരം. ആക്രമണത്തിൽ അഞ്ച് സൈനിക‍ര്‍ക്കാണ് പരിക്കേറ്റത്. ഇവരിൽ മൂന്ന് പേരുടെ ആരോഗ്യനില തൃപ്തികരമാണ്. സ്ഥലത്ത് സൈനിക‍രും ജമ്മു കശ്മീ‍ര്‍ പൊലീസും തിരച്ചിൽ തുടരുന്നുണ്ട്.
