ജീവകാരണ്യ പ്രവർത്തനത്തിനായി അയ്യപ്പൻകാവ് പുഴക്കരയിൽ നിർമ്മിക്കുന്ന ഡയാലിസീസ് യുണിറ്റിന്റെയും സന്തോഷഭവനത്തിന്റെയും ശിലാസ്ഥാപനം നാളെ
ഇരിട്ടി: ജീവ കാരുണ്യ രംഗത്ത് പ്രവർത്തിക്കുന്ന കണ്ണൂരിലെ നന്മ ചാരിറ്റബിൾ ട്രസ്റ്റിന്റെ ഡയാലിസിസ് സെന്ററിന്റെയും അരശണരെ സഹായിക്കുന്നതിനായി നിർമ്മിക്കുന്ന സന്തോഷ ഭവനത്തിന്റെ ശിലാസ്ഥാപനം വ്യാഴാഴ്ച്ച വൈകിട്ട് മൂന്നിന് വിളക്കോട് പുഴക്കര ജുമാമസ്ജിദിന് സമീപം നടക്കും.പാണക്കാട് സയ്യിദ് മുനവ്വറലി ശിഹാബ് തങ്ങൾ ശിലാസ്ഥാപന കർമ്മം നിർവ്വഹിക്കും. വി. ശിവദാസൻ എം.പി, സണ്ണി ജോസഫ് എം.എൽ.എ എന്നിവർ മുഖ്യാതിഥികളായിരിക്കും. വിളക്കോട് പുഴക്കര കാപ്പുങ്കടവ്
മലയോര ഹൈവേ യിൽ 25 സെന്റ് സ്ഥലത്ത് 8000 സ്‌ക്വയർ ഫീറ്റ് വിസ്തീർണ്ണമുള്ള കെട്ടിടമാണ് നിർമ്മിക്കുന്നത്. നിർധരരായ രോഗികൾക്ക് സൗജന്യ ഡയാലിസ് സൗകര്യവും കുടുംബങ്ങളാൽ ഉപേക്ഷിക്കപ്പെട്ട് ആരോരുമില്ലാതെ അവശത അനുഭവിക്കുന്ന വയോജനങ്ങൾക്കും ഓട്ടിസം, സെലിബ്രൽ പാൾസി പോലുള്ള രോഗം ബാധിച്ച ഭിന്നശേഷി കുട്ടികൾക്കും സംരക്ഷണമൊരുക്കുന്ന സന്തോഷഭവനവുമാണ് ഇതോടൊപ്പം ആരംഭിക്കുകയെന്ന് തറവാട് നന്മ ചാരിറ്റബിൾ ട്രസ്റ്റ്‌ (NCT )കണ്ണൂർ ജനറൽ സെക്രട്ടറി എം. പി നാസർ, മുഹമ്മദ്‌ സാദിക്ക്,'തറവാട്' - ഇരിട്ടി പ്രൊജക്റ്റ്‌ പ്രസിഡന്റ്‌ kk അയ്യൂബ് ഹാജി, അംഗങ്ങളായ പാണംബ്രോൻ സലാം, യൂനുസ് പാണംബ്രോൻ, ഗ്രാമ പഞ്ചായത്ത്‌ അംഗം റഷീദ്. കെ. വി .വി റഷീദ് എന്നിവർ പത്ര സമ്മേളനത്തിൽ പറഞ്ഞു.