പൈവളിഗയിൽ ഇന്നു വൈകീട്ടാണ് മുഖ്യമന്ത്രി നവകേരള സദസ് ഉദ്ഘാടനം ചെയ്യുന്നത്.
photo - facebook
കാസര്‍ഗോഡ്: ജില്ലയിൽ മിന്നൽ പണിമുടക്ക് പ്രഖ്യാപിച്ച് സ്വകാര്യ ബസ് ഉടമകൾ. സമയക്രമം പാലിക്കാതെ സർവീസ് നടത്തുന്ന ബസുകൾക്കെതിരെ പോലീസ് നടപടി ശക്തമായിരുന്നു. ഇതിനു പിന്നാലെയാണ് പണിമുടക്ക്.
നവകേരള സദസിന് തുടക്കം കുറിക്കുന്ന ഏതാനും മണിക്കൂറിനുളളിലാണ് സ്വകാര്യ ബസുകളുടെ മിന്നല്‍ പണിമുക്ക് പ്രഖ്യാപിച്ചത്. കാസര്‍ഗോഡ് നഗരത്തിലും പരിസര പ്രദേശങ്ങളിലും ദേശീയപാതാ നിർമാണവുമായി ബന്ധപ്പെട്ട് വലിയ ഗതാഗതക്കുരുക്ക് നേരിടുന്നുണ്ട്. ഇതുമൂലം സമയക്രമം പാലിക്കാൻ കഴിയുന്നില്ലെന്നാണ് ബസ് ഉടമകൾ ചൂണ്ടിക്കാട്ടുന്നത്.
പൈവളിഗയിൽ ഇന്നു വൈകീട്ടാണ് മുഖ്യമന്ത്രി നവകേരള സദസ് ഉദ്ഘാടനം ചെയ്യുന്നത്. കാസർകോട് നഗരത്തിൽനിന്നടക്കം ജനങ്ങൾ ആശ്രയിക്കുന്നത് സ്വകാര്യ ബസുകളെയാണ്. ഇതു പരിപാടിയെ ബാധിക്കുമോയെന്ന ആശങ്ക നിലനിൽക്കുന്നു
