മട്ടന്നൂരിൽ സിപിഎം പ്രവര്ത്തകർക്ക് വെട്ടേറ്റ സംഭവത്തിൽ ആറുപേർ കൂടി അറസ്റ്റിൽ
![](https://i0.wp.com/kannurvarthakal.com/wp-content/uploads/2024/03/img_1028-1.jpg?fit=640%2C381&ssl=1)
മട്ടന്നൂർ: ഇടവേലിക്കലില് മൂന്ന് സിപിഎം പ്രവര്ത്തകരെ വെട്ടിപരിക്കേല്പ്പിച്ച സംഭവത്തില് ആറുപേരെ കൂടി മട്ടന്നൂര് പോലീസ് അറസ്റ്റ് ചെയ്തു. കഴിഞ്ഞ ദിവസം അഞ്ചുപേരെ അറസ്റ്റു ചെയ്തിരുന്നു. ഇതോടെ 11 പേർ അറസ്റ്റിലായി. സംഭവവുമായി ബന്ധപ്പെട്ട് ഒരാൾ കൂടി പിടിയിലാകാനുണ്ട്.
കഴിഞ്ഞ ഞായറാഴ്ച രാത്രി 10നാണ് സിപിഎം ഇടവേലിക്കൽ ബ്രാഞ്ചംഗം ലതീഷ് (36), സുനോപ് (35), റിജില് (30) എന്നിവരെ ഒരു സംഘം വെട്ടിപ്പരിക്കേൽപ്പിച്ചത്.
ഇവർ കണ്ണൂര് എ.കെ.ജി. ആശുപത്രിയില് ചികിത്സയിലാണ്. മട്ടന്നൂർ നെല്ലൂന്നി സ്വദേശികളായ സുജി (35), രഞ്ചിത്ത് (32), രാജേഷ് (30), അക്ഷയ് (23), ജ്യോതിസ് (38),വിനീഷ് (34) എന്നിവരെയാണ് കൂത്തുപറമ്പ് എസിപി കെ.വി. വേണുഗോപാലിന്റെ നേതൃത്വത്തിൽ മട്ടന്നൂർ പോലീസ് അറസ്റ്റ് ചെയ്തത്.
കഴിഞ്ഞ ദിവസം എ.കെ. നിഥിൻ, വി.കെ.ജിതിൻ, ഹരിലാൽ, ശ്രീക്കുട്ടൻ, ആദർശ് എന്നിവരെ അറസ്റ്റു ചെയ്തിരുന്നു. അറസ്റ്റിലായവരെ മട്ടന്നൂർ കോടതിയിൽ ഹാജരാക്കി റിമാൻഡ് ചെയ്തു. സംഭവത്തിന് പിന്നിൽ രാഷ്ട്രീയമില്ലെന്നാണ് പോലീസ് പറയുന്നത്. എന്നാൽ ആര്എസ്എസ് പ്രവര്ത്തകരാണ് അക്രമത്തിന് പിന്നിലെന്ന് സിപിഎം ആരോപിച്ചിരുന്നു.