ടി20 ലോകകപ്പിനുള്ള ഇന്ത്യന്‍ ടീമിനെ പ്രഖ്യാപിച്ചു; സഞ്ജു ടീമില്‍
മുംബൈ: ഏറെ ആകാംക്ഷയോടെ ക്രിക്കറ്റ് ആരാധകർ കാത്തിരുന്ന കാര്യമാണ് ട്വന്‍റി-20 ലോകകപ്പിൽ സഞ്ജു ഇടം നേടുമോ എന്നത്. ഇതിനുള്ള മറുപടി ലഭിച്ചിരിക്കുന്നു. മലയാളി താരം സഞ്ജു സാംസണും ട്വന്‍റി-20 ലോകകപ്പിൻ്റെ 15 അംഗ ഇന്ത്യൻ ടീമിൽ ഇടംനേടി. സഞ്ജു ടീമിൽ കയറിയത് ഋഷഭ് പന്തിന് പിന്നിൽ രണ്ടാം വിക്കറ്റ് കീപ്പറായാണ്. ഇതോടെ കെ.എൽ.രാഹുലിന് സ്ഥാനം ലഭിച്ചില്ല. ടീമിൻ്റെ നായകൻ രോഹിത് ശർമയും ഉപനായകൻ ഓൾറൗണ്ടറായ ഹർദിക് പാണ്ഡ്യയുമാണ്. വിരാട് കോഹ്ലി, രവീന്ദ്ര ജഡേജ എന്നിവരും ടീമിലിടം നേടി.
