സെൽഫിയെടുക്കുന്നതിനിടയിൽ നദിയിൽ വീണു: യു പിയിൽ രണ്ടു കൗമാരക്കാർ മരണപ്പെട്ടു
റായ്ബറേലി: യു പിയിൽ രണ്ടു കൗമാരക്കാർ നദിയിൽ വീണു മരിച്ചു. ഗംഗാ നദിയിലാണ് ഇവർ വീണത്. റായ്ബറേലി ജില്ലയിൽ ബോട്ടിൽ സെൽഫി എടുക്കുന്നതിനിടെയാണ് സംഭവം. മരണപ്പെട്ടത് തൗഹീദ് (17), ഫഹദ് (19), ഷാൻ (18) എന്നിവരാണ്. ഇവർ സുഹൃത്തുക്കളാണ്. സെൽഫി എടുക്കുന്ന അവസരത്തിൽ പഗ്പൂർ ഗംഗാഘട്ടിൽ മൂവരും ബോട്ടിന്റെ അറ്റത്തേക്ക് നീങ്ങുകയും ബാലൻസ് നഷ്ടപ്പെടുകയുമായിരുന്നു. തുടർന്ന് ശക്തമായ ഒഴുക്കിലേയ്ക്ക് വീണു. തൗഹീദും ഷാനും ഒഴുക്കിൽപ്പെടുകയും ഇതിനിടയിൽ ഫഹദ് നീന്തി കരയിലേക്കെത്തുകയും ചെയ്തു. തുടർന്ന് കൗമാരക്കാരുടെ മൃതദേഹങ്ങൾ കണ്ടെത്തിയത് മണിക്കൂറുകൾ നീണ്ട തിരച്ചിലിനൊടുവിലാണ്. മുങ്ങൽ വിദഗ്ധരുടെ നേതൃത്വത്തിലായിരുന്നു ഇത്. പോസ്റ്റുമോർട്ടത്തിനായി മൃതദേഹങ്ങൾ മാറ്റി.