സംഭവം പരാതിയായതോടെ ഇവരോട് ആശുപത്രിയിലേക്ക് വരാന് അധികൃതര് ആവശ്യപ്പെട്ടിട്ടുണ്ട്.
photo - facebook
തിരുവനന്തപുരം: മുതുകിലെ ശസ്ത്രക്രിയയ്ക്കിടെ കയ്യുറ ശരീരത്തിൽ തുന്നിചേർത്തതായി പരാതി. തിരുവനന്തപുരം ജനറൽ ആശുപത്രിക്ക് എതിരെയാണ് ആരോപണം. നെടുമങ്ങാട് സ്വദേശിയായ ഷിനുവിനാണ് ദുരനുഭവം നേരിട്ടത്. മുതുകിലെ പഴുപ്പ് നീക്കാന് ശനിയാഴ്ചയാണ് തിരുവനന്തപുരം ജനറല് ആശുപത്രിയില് ഷിനു ശസ്ത്രക്രിയക്ക് എത്തിയത്. ശസ്ത്രിയക്ക് ശേഷം രണ്ട് ദിവസം കഴിഞ്ഞിട്ടും വേദനയും നീരും മാറാതെവന്നതോടെ ഭാര്യ കെട്ട് അഴിച്ച് നോക്കിയത്. കയ്യുറയുടെ വലിയൊരു ഭാഗം ശരീരത്തില് തുന്നിച്ചേര്ത്ത് വച്ചതാണ് കണ്ടതെന്നും സജിന മാധ്യമങ്ങളോട് പറഞ്ഞു.
മുതുകില് പഴുപ്പ് നിറഞ്ഞ കുരു വന്നതിനെ തുടര്ന്നാണ് ഷിനു ആശുപത്രിയില് ചികിത്സ തേടിയതെന്ന് ഭാര്യ സജിന പറഞ്ഞു. ആദ്യം അഞ്ച് ദിവസത്തേക്ക് മരുന്ന് കൊടുത്തു. അത് കഴിച്ചിട്ട് പോയപ്പോഴേക്കും ശനിയാഴ്ച രാവിലെ ശസ്ത്രക്രിയക്ക് തയ്യാറായി വരാന് ഡോക്ടര് ആവശ്യപ്പെട്ടത് . ശനിയാഴ്ച രാവിലെ എട്ട് മണിയോടെയായിരുന്നു ശസ്ത്രക്രിയ നടന്നത്. ഉച്ചയ്ക്ക് 12 മണിയോടെ ശസ്ത്രക്രിയ പൂര്ത്തിയാക്കി വീട്ടിലേക്ക് മടങ്ങിയത്. എന്നാല് അതിന് ശേഷവും കടുത്ത വേദന ഉണ്ടായതിനെ തുടര്ന്ന് ശസ്ത്രക്രിയയില് പിഴവ് സംഭവിച്ചോയെന്ന് സംശയം തോന്നിയിരുന്നു സജിന പറഞ്ഞു
സംഭവം പരാതിയായതോടെ ഇവരോട് ആശുപത്രിയിലേക്ക് വരാന് അധികൃതര് ആവശ്യപ്പെട്ടിട്ടുണ്ട്. എന്നാല് ഇത് പിഴവല്ലെന്നും പഴുപ്പും രക്തവും കളയാനുള്ള ഗ്ലൗ ഡ്രെയ്ൻ സിസ്റ്റം ആണെന്നും ആശുപത്രി അധികൃതർ പറയുന്നു. അത് ഇളക്കി കളയണം എന്ന് രോഗിയോട് നിർദേശിച്ചിരുന്നതായും ആശുപത്രി അധികൃതർ വ്യക്തമാക്കി.
