എഫ്സിആര്എ ഭേദഗതിയും നിര്ദിഷ്ട ക്രിസ്ത്യന് ലോ ബോര്ഡും പഞ്ചസാരയില് പൊതിഞ്ഞ വിഷമെന്ന് ജോസ് കെ. മാണി
കോട്ടയം: കേന്ദ്രസര്ക്കാര് പാര്ലമെന്റില് അവതരിപ്പിച്ച എഫ്സിആര്എ ഭേദഗതി ബില്ലും നിര്ദിഷ്ട ക്രിസ്ത്യന് ലോ ബോര്ഡും പഞ്ചസാരയില് പൊതിഞ്ഞ വിഷമാണെന്ന് കേരള കോണ്ഗ്രസ് -എം ചെയര്മാന് ജോസ് കെ. മാണി.
രാജ്യദ്രോഹ പ്രവര്ത്തനങ്ങള് തടയാനാണെന്നാണ് കേന്ദ്രസര്ക്കാര് പറയുന്നത്. അങ്ങനെയാണെങ്കില് ക്രൈസ്തവ മിഷണറിമാര് നടത്തുന്ന നൂറുകണക്കിന് സ്ഥാപനങ്ങളുടെ ലൈസന്സ് പുതുക്കിനല്കാതെ തടഞ്ഞുവച്ചിരിക്കുന്നത് എന്തുകൊണ്ടാണെന്ന് ബിജെപി വ്യക്തമാക്കണമെന്നും ജോസ് കെ. മാണി പറഞ്ഞു.
ഇന്ത്യയുടെ ഭരണഘടന മതന്യൂനപക്ഷങ്ങള്ക്ക് ഉറപ്പ് നല്കുന്ന എല്ലാ അവകാശങ്ങളിലും സ്വാതന്ത്ര്യങ്ങളിലും ബിജെപി സര്ക്കാര് വെള്ളം ചേര്ക്കുകയാണ്.
ക്രൈസ്തവ മിഷണറിമാര് നടത്തുന്ന സാമൂഹിക സേവന പ്രവര്ത്തനങ്ങളെ തടയുക എന്ന ഏകലക്ഷ്യമാണ് ഈ നീക്കങ്ങളുടെയെല്ലാം പിന്നില്.ഭാരതത്തിലെ ക്രൈസ്തവ സഭകളുടെ മുകളില് ഉദ്യോഗസ്ഥ നിയന്ത്രണമേര്പ്പെടുത്താനുള്ള ശ്രമങ്ങള് അങ്ങേയറ്റം പ്രതിഷേധാര്ഹവും ഭരണഘടനാ വിരുദ്ധവുമാണെന്നും ജോസ് കെ. മാണി പറഞ്ഞു.
