കോട്ടയം മെഡിക്കല് കോളജില് പ്രസവത്തിനിടെ യുവതി മരിച്ചു; ചികിത്സാ പിഴവ് ആരോപിച്ച് കുടുംബം
കോട്ടയം മെഡിക്കല് കോളജില് പ്രസവ ചികില്സയ്ക്കിടെ ഉണ്ടായ പിഴവുമൂലം ഇരുപത്തിയൊന്പതുകാരി മരിച്ചെന്ന് പരാതി. ആലപ്പുഴ ഓമനപ്പുഴ പൊള്ളയില് അനീഷിന്റെ ഭാര്യ ഫേബയാണ് പ്രസവത്തിനിടെ മരിച്ചത്. കുഞ്ഞിനെ ശസ്ത്രക്രിയയിലൂടെ പുറത്തെടുത്തു. കുട്ടിയെ പുറത്തെടുത്തത് യുവതി മരിച്ചതിന് ശേഷമെന്നാണ് ആരോപണം. ചികില്സാപിഴവും അനാസ്ഥയും മരണകാരണമായെന്ന് ബന്ധുക്കള് ആരോപിക്കുന്നു. ഫേബയെ ലേബര് റൂമില് കയറ്റിയ ശേഷം ഒരു വിവരവും അറിയിച്ചിരുന്നില്ല. സംഭവത്തില് പൊലീസിലും ആശുപത്രി സൂപ്രണ്ടിനും ബന്ധുക്കള് പരാതി നല്കി. അര്ത്തുങ്കല് സ്വകാര്യ ആശുപത്രി മോര്ച്ചറിയിലാണ് ഫേബയുടെ മൃതദേഹം.
