കൃഷിയിടത്തില്‍ ഗര്‍ത്തം കണ്ടെത്തി
കേളകം : ശാന്തിഗിരിയില്‍ സ്വകാര്യ വ്യക്തിയുടെ കൃഷിയിടത്തില്‍ ഗര്‍ത്തം കണ്ടെത്തി. ശാന്തിഗിരി സ്വദേശി ഇമ്പിക്കാട്ട് സജിയുടെ കൃഷിയിടത്തിലാണ് വലിയ ഗര്‍ത്തം കണ്ടെത്തിയത്. മൂന്ന് മീറ്റര്‍ താഴ്ചയും നാല് മീറ്റര്‍ വ്യാസവുമുള്ള ഗര്‍ത്തമാണ് കണ്ടെത്തിയത്. ഭൂമിക്ക് വിള്ളല്‍ സംഭവിച്ച സ്ഥലങ്ങള്‍ക്ക് സമീപത്തായാണ് ഗര്‍ത്തം കണ്ടെത്തിയത്. സ്ഥലം കേളകം പഞ്ചായത്ത് പ്രസിഡണ്ട് സി.ടി അനീഷ്, സ്ഥിരം സമിതി അധ്യക്ഷന്‍ സജീവന്‍ പാലുമ്മി എന്നിവര്‍ സന്ദര്‍ശിച്ചു.
