ജീവനക്കാരന്‍റെ അശ്രദ്ധ; സൗദിയില്‍ നഴ്സറി വിദ്യാര്‍ഥി ബസിനുള്ളില്‍ ശ്വാസംമുട്ടി മരിച്ചു
ജിദ്ദ: സൗദി അറേബ്യയിലെ ഖത്വീഫിൽ അഞ്ച് വയസുകാരൻ സ്കൂള്‍ ബസിനുള്ളില്‍ ശ്വാസം മുട്ടി മരിച്ചു. നഴ്സറി വിദ്യാർഥിയായ ഹസൻ ഷാഷിം അൽ-ഷുല ആണ് മരിച്ചത്. ഡ്രൈവറുടെ അശ്രദ്ധ മൂലം സ്കൂൾ ബസിനുള്ളില്‍ അകപ്പെട്ടതിനാലാണ് അപകടം സംഭവിച്ചത്.
ഞായറാഴ്ച ഉച്ചക്ക് ശേഷമായിരുന്നു സംഭവം. ബസിനുള്ളില്‍ കുട്ടിയുള്ള കാര്യം ഡ്രൈവര്‍ ശ്രദ്ധിക്കാത്തതിനാലാണ് അപകടമുണ്ടായതെന്ന് കിഴക്കൻ മേഖല വിദ്യാഭ്യാസ വക്താവ് സയിദ് അൽ ബാഹിസ് അറിയിച്ചു. സംഭവത്തിൽ കിഴക്കൻ മേഖല വിദ്യാഭ്യാസ, സുരക്ഷാ വകുപ്പുകള്‍ അന്വേഷണം ആരംഭിച്ചു.