നാട്ടിലൊരു ബിസിനസ് എന്ന പ്രവാസിയുടെ സ്വപ്നത്തിന് ക​ത്രി​ക പൂ​ട്ടിട്ട് രാഷ്ട്രീയ കരുനീക്കം; ഷോ​പ്പിം​ഗ് മാ​ളി​നു മുന്നിൽ പൊ​തു​ശൗ​ചാ​ല​യം പണിത് പണികൊടുത്തത് തലശേരി നഗരസഭ

നാട്ടിലൊരു ബിസിനസ് എന്ന  പ്രവാസിയുടെ സ്വപ്നത്തിന് ക​ത്രി​ക പൂ​ട്ടിട്ട് രാഷ്ട്രീയ കരുനീക്കം; ഷോ​പ്പിം​ഗ് മാ​ളി​നു മുന്നിൽ പൊ​തു​ശൗ​ചാ​ല​യം പണിത് പണികൊടുത്തത് തലശേരി നഗരസഭ

ത​ല​ശേ​രി: കോ​ടി​ക​ൾ മു​ട​ക്കി ആ​ധു​നി​ക ഷോ​പ്പിം​ഗ്‌​മാ​ൾ നി​ർ​മി​ക്കാ​ൻ പ​ദ്ധ​തി​യി​ട്ട പൊ​ന്നും വി​ല​യു​ള്ള സ്ഥ​ല​ത്തി​നു മു​ന്നി​ൽ ആ​ധു​നി​ക ശൗ​ചാ​ല​യം പ​ണി​ത് നഗരസഭാ അ​ധി​കൃ​ത​ർ. ഭ​ര​ണ​പ​ക്ഷ​ത്തെ ചി​ല​ർ ന​ട​ത്തി​യ ആ​സൂ​ത്രി​ത നീ​ക്ക​ത്തി​ൽ ത​ല​ശേ​രി​ക്ക് ന​ഷ്ട​പ്പെ​ട്ട​ത് കോ​ടി​ക​ളു​ടെ നി​ക്ഷേ​പം.

ഖ​ത്ത​റി​ലും യു​എ​ഇ​യി​ലും വ്യാ​പാ​ര-​വ്യ​വ​സാ​യ ശൃം​ഖ​ല​ക​ളു​ള്ള പ്ര​വാ​സി​ക്കാ​ണ് രാ​ഷ്‌​ട്രീ​യ ക​രു​നീ​ക്ക​ങ്ങ​ളി​ൽ ക​ത്രി​ക പൂ​ട്ട് വീ​ണ​ത്. ത​ല​ശേ​രി​യി​ൽ ഇ​നി താ​നൊ​രു നി​ക്ഷേ​പ​ത്തി​നി​ല്ലെ​ന്ന് പ്ര​ഖ്യാ​പി​ച്ചു കൊ​ണ്ട് ആ ​വ്യ​വ​സാ​യ പ്ര​മു​ഖ​ൻ ത​ല​ശേ​രി​യി​ലെ വ്യാ​പാ​ര -വ്യ​വ​സാ​യ സ്വ​പ്ന​ങ്ങ​ളോ​ട് ഗു​ഡ് ബൈ ​പ​റ​ഞ്ഞു.

നി​ർ​മാ​ണം പൂ​ർ​ത്തി​യാ​ക്കി​യ ആ​റു​നി​ല കെ​ട്ടി​ടം നി​യ​മക്കുരു​ക്കി​ൽ​പ്പെ​ട്ട് ര​ണ്ട് പ​തി​റ്റാ​ണ്ട് കാ​ലം വെറുതെ കിടന്ന പൈ​തൃ​ക ന​ഗ​രി​യി​ലാ​ണ് ഒ​രു പ്ര​വാ​സി കൂ​ടി കു​രു​ക്കി​ലാ​യി​ട്ടു​ള്ള​ത്.

 ചി​ല​രു​ടെ ചി​ല ആ​വ​ശ്യ​ങ്ങ​ളോ​ട് മു​ഖം തി​രി​ച്ച​താ​ണ് പ്ര​വാ​സി​യു​ടെ സെ​ന്‍റി​ന് കാ​ൽ​കോ​ടി വി​ലവ​രു​ന്ന അ​ര​യേ​ക്ക​ർ സ്ഥ​ല​ത്തി​നു മു​ന്നി​ൽ ശൗ​ചാ​ല​യം വ​രാ​ൻ കാ​ര​ണ​മെ​ന്നാ​ണ് സൂ​ച​ന.  

കോ​വി​ഡ് കാ​ല​ത്ത് നേ​താ​ക്ക​ൾ പ​റ​ഞ്ഞ​ത​നു​സ​രി​ച്ച് നൂ​റു ക​ണ​ക്കി​ന് കി​റ്റു​ക​ൾ ന​ൽ​കി​യ പ്ര​വാ​സി തു​ട​രെ തു​ട​രെ​യു​ള്ള ആ​വ​ശ്യ​ങ്ങ​ളോ​ട് മു​ഖം തി​രി​ച്ച​പ്പോ​ഴാ​ണ് അ​പ്ര​തീ​ക്ഷി​ത അ​തിക്ര​മം നേ​രി​ടേ​ണ്ടി വ​ന്ന​തെന്നു പറയുന്നു.

ത​ന്‍റെ കോ​ടി​ക​ൾ വി​ല​മ​തി​ക്കു​ന്ന സ്ഥ​ല​ത്തി​നു മു​ന്നി​ൽ സ​ർ​ക്കാ​ർ സം​വി​ധാ​ന​ത്തി​ൽ ശു​ചി​മു​റി ഉ​യ​രു​ന്ന​ത് ക​ണ്ട സ​മ്പ​ന്ന​ൻ അ​ത് മാ​റ്റി സ്ഥാ​പി​ക്കാ​ൻ ന​ട​ത്തി​യ നീ​ക്ക​ങ്ങ​ൾ പ​രാ​ജ​യ​പ്പെ​ടു​ക​യാ​യി​രു​ന്നു.

പ്ര​വാ​സ ലോ​ക​ത്തെ തി​ര​ക്കു​ക​ൾ​ക്കി​ട​യി​ൽ സ​മ​യം ക​ണ്ടെ​ത്തി നാ​ട്ടി​ലെ​ത്തി​യ പ്ര​വാ​സി ത​ന്‍റെ സ​ങ്ക​ട​ങ്ങ​ൾ ഭ​ര​ണ ക​ക്ഷി​യി​ലെ ഉ​ന്ന​ത നേ​താ​വി​നെ ക​ണ്ട് ബോ​ധി​പ്പി​ക്കു​മ്പോ​ഴേ​ക്കും ശു​ചിമു​റി​യു​ടെ നി​ർ​മാ​ണ പ്ര​വൃ​ത്തി പൂ​ർ​ത്തി​യാ​കു​ന്ന കാ​ഴ്ച​യാ​ണ് ക​ണ്ട​ത്.

ത​ല​ശേ​രി​യി​ൽ ചി​ല​ർ​ക്ക് ചോ​ദി​ക്കു​ന്ന​ത് ന​ൽ​കി​യി​ല്ലെ​ങ്കി​ൽ പ​ണി ഏ​ത് വ​ഴി​ക്കു വ​രു​മെ​ന്ന് പ​റ​യു​ക അ​സാ​ധ്യ​മെ​ന്നാ​ണ് ജ​ന​സം​സാ​രം. നി​ല​വി​ലു​ള്ള ശു​ചിമു​റി​ക​ൾ വൃ​ത്തി​ഹീ​ന​മാ​യി കി​ട​ക്കു​ക​യും ചി​ല​ത് പൂ​ട്ടി​ക്കി​ട​ക്കു​ക​യും ചെയ്യു​മ്പോ​ഴാ​ണ് ന​ഗ​ര​മ​ധ്യ​ത്തി​ൽ ജ​ന​ത്തി​ര​ക്കേ​റി​യ ഗ​താ​ഗ​തക്കുരു​ക്ക് നി​ത്യസം​ഭ​വ​മാ​യു​ള്ള സ്ഥ​ല​ത്ത് ശു​ചിമു​റി വ​ന്നി​ട്ടു​ള്ള​ത്.

നി​ർ​മാ​ണ പ്ര​വൃ​ത്തി ന​ട​ക്കു​മ്പോ​ൾ നൂ​റു ക​ണ​ക്കി​നാ​ളു​ക​ൾ​ക്ക് തൊ​ഴി​ൽ ല​ഭി​ക്കു​ക​യും ഷോ​പ്പിം​ഗ് മാ​ൾ പൂ​ർ​ത്തി​യാ​യാ​ൽ നി​ര​വ​ധി കു​ടും​ബ​ങ്ങ​ൾ​ക്ക് ജീ​വി​ത മാ​ർ​ഗ​മാ​കു​ക​യും ചെ​യ്യുമാ​യി​രു​ന്ന ഒ​രു പ​ദ്ധ​തി​യാ​ണ് ഇ​പ്പോ​ൾ ഇ​ല്ലാ​താ​ക്കി​യി​ട്ടു​ള്ള​ത്. 
ക​തി​രൂ​രി​ൽ പൊ​തു​ശൗ​ചാ​ല​യം