ധ്യാനത്തിനു പോയി വന്ന യുവതിയെ കാണാതായി; കണ്ടെത്തിയത് ആളൊഴിഞ്ഞ വീട്ടിൽ മരിച്ച നിലയിൽ
ഇടുക്കി: ധ്യാനത്തിന് പോയി മടങ്ങി വന്ന ശേഷം കാണാതായ യുവതിയെ ആളൊഴിഞ്ഞ വീട്ടിൽ മരിച്ച നിലയിൽ കണ്ടെത്തി. ഇടുക്കി പൂപ്പാറ സ്വദേശി മുരുകേശ്വരി ആണ് മരിച്ചത്.
കഴിഞ്ഞ വ്യാഴാഴ്ച മുതലാണ് മുരുകേശ്വരിയെ കാണാതായത്.
എസ്റ്റേറ്റ് പൂപ്പാറ പടിഞ്ഞാറേകുടി പോൾരാജിന്റെ ഭാര്യയാണ് മരിച്ച മുരുകേശ്വരി. കഴിഞ്ഞ വ്യാഴാഴ്ച ധ്യാനത്തിനു പോയി മടങ്ങി വന്ന ഇവരെ കാണാതാവുകയായിരുന്നു. ബന്ധു വീടുകളിലും സമീപ വീടുകളിലും തെരച്ചിൽ നടത്തിയെങ്കിലും കണ്ടെത്താനാവാതെ വന്നതോടെ വീട്ടുകാർ പോലീസിൽ വിവരം അറിയിച്ചു.
കഴിഞ്ഞ ദിവസം രാവിലെ സമീപത്തെ ആളൊഴിഞ്ഞ വീട്ടിൽ നിന്നും മൃതദേഹം കണ്ടെത്തുകയായിരിന്നു. സ്ഥലം ഉടമ കൃഷി ജോലികൾക്കു എത്തിയപ്പോഴാണ് മൃദദേഹം കണ്ടത്. ആത്മഹത്യയാണെന്നാണ് പോലീസിന്റെ പ്രാഥമിക നിഗമനം. എന്നാൽ കൊലപാതകമാണെന്ന് ബന്ധുക്കൾ ആരോപിക്കുന്നു. ശാന്തൻപാറ പോലീസ് മേൽനടപടികൾ സ്വികരിച്ചു.