ഫുട്ബോള് ലോകകപ്പ് യോഗ്യത: കുവൈത്തിനെ പരാജയപ്പെടുത്തി ഇന്ത്യ
ഫുട്ബോള് ലോകകപ്പ് ഏഷ്യന്‍ മേഖല യോഗ്യതാ മത്സരത്തില്‍ ഇന്ത്യക്ക് ജയം. എതിരില്ലാത്ത ഒരു ഗോളിനാണ് ഇന്ത്യ കുവൈത്തിനെ പരാജയപ്പെടുത്തിയത്. 75ാം മിനിറ്റില്‍ മന്‍വീര്‍ സിങാണ് വിജയഗോള്‍ നേടിയത്.
ആദ്യ പകുതി ഗോള്‍ രഹിതമായിരുന്നു. 75-ാം മിനിറ്റില്‍ ചാങ്തെയുടെ ക്രോസ് പാസില്‍ നിന്ന് ബോക്സിന്റെ മധ്യഭാഗത്ത് നിന്ന് മന്‍വീര്‍ സിങിന്റെ ഇടത് കാല്‍ ഷോട്ടാണ് കുവൈത്ത് പോസ്റ്റില്‍ പതിച്ചത്. ഖത്തര്‍, അഫ്ഗാനിസ്ഥാന്‍, എന്നിവര്‍ കൂടിയുള്ള ഗ്രൂപ്പ് എ യിലാണ് ഇന്ത്യയും കുവൈത്തും.
ആകെ ഒമ്പത് ഗ്രൂപ്പുകളാണുള്ളത്. ഇതില്‍ ഓരോ ഗ്രൂപ്പില്‍ നിന്നും ആദ്യ രണ്ട് സ്ഥാനക്കാര്‍ അടുത്ത റൗണ്ടില്‍ കടക്കും. ഈ 18 ടീമുകളാകും അടുത്ത ഏഷ്യന്‍ കപ്പിന് യോഗ്യത നേടുക. ഖത്തറുമായി 21 നാണ് ഇന്ത്യക്ക് അടുത്ത മത്സരം.
