റിയാസ് മൗലവി വധക്കേസ്; അപ്പീല് വേഗത്തിലാക്കാന് സര്ക്കാര്
![](https://timeskerala.com/static/c1e/client/91214/uploaded/f8247caf1ba920233fa86d2de642da9e.webp)
തിരുവനന്തപുരം: റിയാസ് മൗലവി വധക്കേസില് വിചാരണക്കോടതി വിധിക്കെതിരെ അപ്പീല് വേഗത്തിലാക്കാനൊരുങ്ങി സര്ക്കാര്. കോടതിയുടെ വേനല് അവധിക്ക് മുമ്പ് അപ്പീല് നല്കാനാണ് നീക്കം. അഡ്വക്കേറ്റ് ജനറല് മുഖ്യമന്ത്രിയുമായി കൂടിക്കാഴ്ച നടത്തി.
തുടര്നടപടികള്ക്ക് എജിയെ സര്ക്കാര് ചുമതലപ്പെടുത്തി. വിചാരണക്കോടതി വിധിയില് പോലീസിനും പ്രോസിക്യൂഷനും ഉണ്ടായിട്ടുള്ള വീഴ്ചകള് ചൂണ്ടിക്കാട്ടിയിരുന്നു. നിലവാരമില്ലാത്ത അന്വേഷണമാണ് നടത്തിയതെന്നും കോടതി അഭിപ്രായപ്പെടുകയും ചെയ്തിരുന്നു.