കോഴിക്കോട്ട് ബസ് താഴ്ചയിലേക്ക് മറിഞ്ഞു; ഒരാള് മരിച്ചു, 18 പേര്ക്ക് പരുക്ക്; അപകടത്തിന് കാരണം അമിതവേഗമെന്ന് നിഗമനം
തിരുവനന്തപുരത്തുനിന്ന് ഉടുപ്പിയിലേക്കുപോയ സ്ലീപ്പര് ബസ് മറിഞ്ഞ് കര്ണാടക സ്വദേശിയായ ഒരാള് മരിച്ചു. 18 പേര്ക്ക് പരുക്കേറ്റു. കോഹിനൂര് എന്നപേരില് സര്വീസ് നടത്തുന്ന ബസ് കടലുണ്ടി മണ്ണൂര് പഴയ ബാങ്കിന് സമീപം ഇന്നു പുലര്ച്ചെ രണ്ടരയോടെയാണ് മറിഞ്ഞത്.
പരുക്കേറ്റവരില് രണ്ടുപേരുടെ നില ഗുരുതരമാണ്. ഇവരെ കോഴിക്കോട് മെഡിക്കല് കോളജ് ആശുപത്രിയിലേക്ക് മാറ്റി. ബസില് 27 യാത്രകാരും മൂന്നു ജീവനക്കാരുമാണ് ഉണ്ടായിരുന്നത്. പൊലീസും അഗ്നിരക്ഷാ സേനയും ചേര്ന്നാണ് രക്ഷാപ്രവര്ത്തനം നടത്തിയത്. മരിച്ച കര്ണാടക സ്വദേശിയെ തിരിച്ചറിഞ്ഞിട്ടില്ല. ബസ് അമിത വേഗത്തിലായിരുന്നതാണ് അപകടത്തിന് കാരണമെന്നാണ് പ്രാഥമിക നിഗമനം.