ഇരിട്ടിയിൽ വൺ വേ തെറ്റിച്ച സ്വകാര്യ ബസ് അപകടത്തിൽപ്പെട്ടു
![](https://i0.wp.com/kannurvarthakal.com/wp-content/uploads/2024/05/rmhe401149254.jpg?fit=640%2C340&ssl=1)
ഇരിട്ടി: പുതിയ ബസ്സ്റ്റാൻഡിൽ ബസുകളുടെ മത്സര ഓട്ടം. കെഎസ്ആർടിസി ബസിനെ മറികടക്കാനുള്ള ശ്രമത്തിനിടയിൽ വൺവേയിലൂടെ ഓടിച്ചുകയറ്റിയ ബസാണ് അപകടത്തിൽപ്പെട്ടത്. ഇന്നലെ വൈകുന്നേരം മൂന്നിനായിരുന്നു സംഭവം.
ഇരിട്ടിയിൽ നിന്നും തലശേരിയിലേക്ക് പോകുന്ന മാർക്കോസ് എന്ന സ്വകാര്യ ബസാണ് അപകടത്തിൽപ്പെട്ടത്. ഓട്ടോറിക്ഷ സ്റ്റാൻഡ് അടക്കം ബസ്റ്റാൻഡിലേക്ക് വരുന്ന മറ്റ് വാഹനങ്ങൾ പ്രവേശിക്കുന്ന വഴിയിലൂടെയാണ് യാത്രക്കാരെയും കയറ്റി വന്ന സ്വകാര്യ ബസിന്റെ മത്സര ഓട്ടം.
ഡിവൈഡർ ഉറപ്പിച്ചിരിക്കുന്ന കോൺക്രീറ്റ് തൂണിൽ ഇടിച്ച് ബസിന്റെ ടയർ പഞ്ചറായതോടെയാണ് മത്സര ഓട്ടം അവസാനിച്ചത്. ഇരിട്ടി പോലീസ് സ്ഥലത്തെത്തി അന്വേഷണം ആരംഭിച്ചു.