കടയിൽ നിന്നും സാധനങ്ങൾ വാങ്ങിയില്ല; യുവാവിനെ കടയുടമ കൊലപ്പെടുത്തി

ന്യൂഡൽഹി: കടയിൽ നിന്നും സാധനങ്ങൾ വാങ്ങാത്തതിന് യുവാവിനെ കടയുടമയും മക്കളും മർദിച്ചു കൊന്നു. വിക്രം കുമാർ(30) ആണ് കൊല്ലപ്പെട്ടത്. ലോകേഷ് ഗുപ്തയെയും അദ്ദേഹത്തിന്റെ മക്കളായ പ്രിയാൻഷിനെയും ഹർഷിനെയും കൊലക്കുറ്റത്തിന് അറസ്റ്റ് ചെയ്തതായി പോലീസ് പറഞ്ഞു. ജൂൺ 30ന് വടക്കുപടിഞ്ഞാറൻ ഡൽഹിയിലെ ഷക്കൂർപൂരിലാണ് സംഭവം നടന്നത്.
ഗുപ്ത ഒരു പലചരക്ക് കട നടത്തി വരികയാണ്. വിക്രമിന്റെ കുടുംബം പണ്ട് മുതലെ ഗുപതയുടെ കടയിൽ നിന്നുമാണ് സാധനങ്ങൾ വാങ്ങിയിരുന്നത്. എന്നാൽ ചില പ്രശ്നങ്ങൾ കാരണം ഇവർ ഗുപ്തയുടെ കടയിൽ നിന്നും സാധനങ്ങൾ വാങ്ങുന്നത് അവസാനിപ്പിച്ചു. ഇതേതുടർന്നുണ്ടായ തർക്കമാണ് കൊലപാതകത്തിൽ കലാശിച്ചത്.