ഡ്രൈവർക്ക് ദേഹാസ്വാസ്ഥ്യം, കണ്ണൂരില്‍ മത്സ്യബന്ധനത്തിന് പോയ ബോട്ട് ഉൾക്കടലിൽ കുടുങ്ങി
കണ്ണൂർ: കണ്ണൂർ ആയിക്കരയിൽ നിന്നും മത്സ്യബന്ധനത്തിന് പോയ ബോട്ട് ഉൾക്കടലിൽ കുടുങ്ങി. ബോട്ടിന്റെ ഡ്രൈവർ മുജീബിന് ദേഹാസ്വാസ്ഥ്യം ഉണ്ടായതിനെ തുടർന്നാണ് കുടുങ്ങിയത്. പരപ്പനങ്ങാടി സ്വദേശി മുജീബ്, കോഴിക്കോട്, തിരുവനന്തപുരം, ഒഡീഷ സ്വദേശികളാണ് ബോട്ടിൽ ഉണ്ടായിരുന്നത്. കഴിഞ്ഞ 17നാണ് ഇവർ മത്സ്യബന്ധനത്തിന് പുറപ്പെട്ടത്. സഫാ മോൾ എന്നാണ് ഉൾക്കടലിൽ കുടുങ്ങിയ ബോട്ടിന്റെ പേര്. തലശ്ശേരി തീരദേശ പൊലീസ് തിരച്ചിൽ തുടങ്ങി.
