ഉത്തര്‍പ്രദേശിലെ സംഭല്‍ ശാഹീ ജാമിഅ് മസ്ജിദിലെ ലൗഡ്സ്പീക്കറുകള്‍ ശബ്ദമലിനീകരണം ഉണ്ടാക്കിയെന്നാരോപിച്ച് പിടിച്ചെടുത്ത് പൊലിസ്. ലൗഡ്സ്പീക്കറുകള്‍ പിടിച്ചെടുത്തതിനെ തുടര്‍ന്ന് ഇമാം ഹാജി റഈസ് മസ്ജിദിന് മുകളില്‍ കയറി മിനാരത്തിന് സമീപം നിന്ന് ബാങ്ക് വിളിച്ചതിന്റെ ദൃശ്യങ്ങള്‍ സോഷ്യല്‍ മീഡിയയില്‍ പ്രചരിക്കുന്നുണ്ട്.
പൊതുഇടങ്ങളിലെ ഉച്ചഭാഷിണികള്‍ നിയന്ത്രിക്കണമെന്ന സര്‍ക്കാര്‍ ഉത്തരവിന്റെ ഭാഗമായാണ് മസ്ജിദിലെ ലൗഡ്സ്പീക്കറുകള്‍ പിടിച്ചെടുത്തതെന്ന് സംഭല്‍ എസ്പി കൃഷന്‍ കുമാര്‍ ബിഷ്ണോയ് പറഞ്ഞു. പള്ളിയുടെ മുകളില്‍ നിന്ന് പ്രാര്‍ഥനക്ക് വിളിക്കുന്നത് ക്രിമിനല്‍ കുറ്റമല്ലെന്നും ആര്‍ക്ക് വേണമെങ്കിലും കെട്ടിടത്തിന്റെ മുകളില്‍ നില്‍ക്കാമെന്നും എസ്പി പറഞ്ഞു. ബോര്‍ഡ് പരീക്ഷകള്‍ നടക്കുന്നതിനാലാണ് മസ്ജിദിലെ ലൗഡ്സ്പീക്കറുകള്‍ പിടിച്ചെടുത്തതെന്ന് ജില്ലാ മജിസ്ട്രേറ്റ് രാജേന്ദര്‍ പെന്‍സിയ പറഞ്ഞു
