മുഹമ്മദ് കുട്ടി വിശാഖം നക്ഷത്രം; ശബരിമല ദർശനം നടത്തി മോഹൻലാൽ; മമ്മൂട്ടിക്കായി വഴിപാടും നടത്തി; നടന്‍റെ ദർശനം എമ്പുരാൻ സിനിമയുടെ റിലീസിന് ദിവസങ്ങള്‍ക്ക് മുമ്പ്
പത്തനംതിട്ട: ശബരിമല ദർശനം നടത്തി മോഹൻലാൽ. മമ്മൂട്ടിയുടെ ആയുരാരോഗ്യത്തിനായി വഴിപാടും നടത്തി. മുഹമ്മദ് കുട്ടി എന്ന പേരിൽ വിശാഖം നക്ഷത്രത്തിലാണ് വഴിപാട് നടത്തിയത്
ഭാര്യ സുചിത്രയുടെ പേരിലും നടൻ വഴിപാട് അർപ്പിച്ചു. പമ്പയിൽ നിന്നും കെട്ട് നിറച്ച് ചൊവ്വാഴ്ച വൈകുന്നേരത്തോടെയാണ് മോഹൻലാൽ അയ്യപ്പ സന്നിധിയിൽ എത്തിയത്. ശബരിമലയിലേക്ക് പോകുംമുമ്പ് കഴിഞ്ഞദിവസം മോഹന്‍ലാല്‍ മമ്മൂട്ടിയുമായി സംസാരിച്ചിരുന്നു.
പ്രേക്ഷകര്‍ ഏറെ ആകാംക്ഷയോടെ കാത്തിരിക്കുന്ന എമ്പുരാന്‍റെ റിലീസിന് ദിവസങ്ങള്‍ക്ക് മുമ്പാണ് മോഹന്‍ലാല്‍ അയ്യപ്പദര്‍ശനത്തിനായി ശബരിമലയില്‍ എത്തിയത്.
