ന്യൂഡല്‍ഹി: കഴിഞ്ഞയാഴ്ച ജമ്മു കശ്മീരിലെ പഹല്‍ഗാമില്‍ നടന്ന ഭീകരാക്രമണത്തിന്റെ ദൃശ്യങ്ങള്‍ പുറത്തുവന്നു. പഹല്‍ഗാമിലെ വിനോദസഞ്ചാരികളി ല്‍ സിപ്ലൈന്‍ യാത്ര നടത്തിയ ഒരു വിനോദസഞ്ചാരി ആകസ്മീകമായി പകര്‍ത്തിയ ദൃശ്യങ്ങളാണ് സാമൂഹ്യമാധ്യമ ങ്ങളിലെത്തിയത്. അഹമ്മദാ ബാദില്‍ നിന്നുള്ള ഋഷി ഭട്ട് എന്ന് പിന്നീട് തിരിച്ചറിഞ്ഞ ഒരു മനുഷ്യനാണ് ഭീകരാക്രമണദൃശ്യം പകര്‍ത്തിയത്.
വൈറലായിക്കൊണ്ടിരിക്കുന്ന 53 സെക്കന്‍ഡ് ദൈര്‍ഘ്യമുള്ള വീഡിയോയില്‍, നീല ചെക്ക് ഷര്‍ട്ടും സുരക്ഷാ ഉപകരണമായി ഒരു ജോഡി സണ്‍ഗ്ലാ സും ഹെല്‍മെറ്റും ധരിച്ച വിനോദസഞ്ചാരി സിപ്‌ലൈന്‍യാത്രയ്ക്കിടയില്‍ ഒരു സെല്‍ഫി സ്റ്റിക്ക് ഉപയോഗിച്ച് എടുത്ത യാത്രയുടെ വീഡിയോയിലാണ് താഴെ ഗ്രൗണ്ടില്‍ വെടിയേറ്റ് വിനോദസഞ്ചാരികള്‍ വീഴുന്നതും മൃതദേഹങ്ങള്‍ കിടക്കുന്നതുമെല്ലാം ഉള്‍പ്പെട്ടിട്ടുള്ളത്.
ഈ സമയത്ത് പശ്ചാത്തലത്തില്‍ വെടിയൊച്ചകളും കേള്‍ക്കാന്‍ കഴിയും. ഈ മനുഷ്യന്‍ പുഞ്ചിരിയോടെ തന്റെ സവാരി ആസ്വദിക്കുമ്പോള്‍ ഗ്രൗണ്ടി ലുള്ള ബാക്കിയുള്ള വിനോദസഞ്ചാരികള്‍ ഓടുന്നതും വീഴുന്നതുമെല്ലാം കാണാം. സിപ്ലൈന്‍ സവാരി അവസാനിക്കുകയും ആ മനുഷ്യന്‍ നിലത്തേക്ക് അടുക്കുകയും ചെയ്യുമ്പോള്‍, വെടിയേറ്റ് പരിക്കേറ്റ മറ്റൊരു വിനോദസഞ്ചാരി താഴേക്ക് വീഴുന്നത് കാണാം.
വാര്‍ത്താ ഏജന്‍സിയായ എഎന്‍ഐയോട് സംസാരിക്കുമ്പോള്‍, വെടിവയ്പ്പിനെക്കുറിച്ച് അറിഞ്ഞ നിമിഷം താന്‍ സുരക്ഷാ ബെല്‍റ്റില്‍ നിന്ന് വേര്‍ പെട്ടത് എങ്ങനെയെന്ന് ശ്രീ ഭട്ട് ഓര്‍മ്മിച്ചു. ''ഞാന്‍ എന്റെ ഭാര്യയെയും മകനെയും കൂട്ടി ഓടാന്‍ തുടങ്ങി. ഒരു കുഴി പോലെയുള്ള സ്ഥലത്ത് ആളുകള്‍ ഒളിച്ചിരിക്കുന്നതായി ഞങ്ങള്‍ കണ്ടു, അതിനാല്‍ അവരെ എളുപ്പത്തില്‍ കാണാന്‍ കഴിഞ്ഞില്ല. ഞങ്ങള്‍ അവിടെ ഒളിച്ചു. 8-10 മിനിറ്റിനുശേഷം വെടിവ യ്പ്പ് അല്‍പ്പം നിലച്ചപ്പോള്‍, ഞങ്ങള്‍ പ്രധാന ഗേറ്റിലേക്ക് ഓടാന്‍ തുടങ്ങി... വെടിവയ്പ്പ് പുനരാരംഭിച്ചു, നാലോ അഞ്ചോ പേര്‍ക്ക് വെടിയേറ്റു. ഞങ്ങളു ടെ മുന്നില്‍ ഏകദേശം 15-16 വിനോദസഞ്ചാരികള്‍ക്ക് വെടിയേറ്റു. ഞങ്ങള്‍ ഗേറ്റിലെത്തിയപ്പോള്‍, നാട്ടുകാര്‍ ഇതിനകം പോയിക്കഴിഞ്ഞിരുന്നു. ഒരു പോണി ഗൈഡ് ഞങ്ങളെ സ്ഥലം വിടാന്‍ സഹായിച്ചു...'' അദ്ദേഹം പറഞ്ഞു.
‘‘താഴ്ന്ന പ്രദേശങ്ങളില്‍ സൈന്യം ഉണ്ടായിരുന്നു. പ്രധാന സ്ഥലത്ത് ഒരു സൈനിക ഉദ്യോഗസ്ഥനും ഉണ്ടായിരുന്നില്ല.’’ അദ്ദേഹം കൂട്ടിച്ചേര്‍ത്തു. രാവി ലെ, വിനോദസഞ്ചാരികള്‍ ഓടി ഒരു കിയോസ്‌കിന് പിന്നില്‍ ഒളിച്ചിരിക്കുന്നതിന്റെ മറ്റൊരു വീഡിയോ പുറത്തുവന്നു. വെടിവയ്പ്പിന്റെ ശബ്ദം ദൂരെ കേള്‍ക്കാം. മറ്റൊരു വീഡിയോയില്‍ പുല്ലില്‍ ചിതറിക്കിടക്കുന്ന മൃതദേഹങ്ങളും പശ്ചാത്തലത്തില്‍ വെടിയൊച്ചകളുടെ ശബ്ദവും കാണാം.
ഏപ്രില്‍ 22 ന് പഹല്‍ഗാമിലെ 'മിനി സ്വിറ്റ്‌സര്‍ലന്‍ഡ്' എന്ന് വിളിക്കപ്പെടുന്ന ബൈസരനില്‍ നടന്ന ഭീകരാക്രമണത്തില്‍ ഇരുപത്തിയഞ്ച് വിനോ ദസഞ്ചാരികള്‍ - 24 ഇന്ത്യക്കാരും ഒരു നേപ്പാളി പൗരനും - ഒരു തദ്ദേശവാസിയും കൊല്ലപ്പെട്ടു. ഇന്ത്യന്‍ നാവികസേനയിലെ ഒരു ഉദ്യോഗസ്ഥ നും ഒരു ഇന്റലിജന്‍സ് ബ്യൂറോ ഉദ്യോഗസ്ഥനും കൊല്ലപ്പെട്ടവരില്‍ ഉള്‍പ്പെടുന്നു.
2019 ലെ പുല്‍വാമ ആക്രമണത്തിനുശേഷം താഴ്വരയിലുണ്ടായ ഏറ്റവും മാരകമായ ആക്രമണമായിരുന്നു ഇത്. നിരോധിത പാകിസ്ഥാന്‍ ആസ്ഥാന മായുള്ള ലഷ്‌കര്‍-ഇ-തൊയ്ബ (എല്‍ഇടി) ഭീകര സംഘടനയുടെ നിഴല്‍ ഗ്രൂപ്പായ റെസിസ്റ്റന്‍സ് ഫ്രണ്ട് ഉത്തരവാദിത്തം ഏറ്റെടുത്തു.
