കണ്ണൂരുകാരുടെ 'മൂന്നാറി'ലേയ്ക്ക് ഒരു ഉല്ലാസ യാത്ര; കുറഞ്ഞ ചെലവിൽ പൈതൽമലയിലേയ്ക്ക് ആനവണ്ടിയിൽ പോകാം
കോഴിക്കോട്: കണ്ണൂരിന്റെ 'കുടക്' എന്നും 'മൂന്നാർ' എന്നും വിളിപ്പേരുള്ള പൈതൽമലയിലേയ്ക്ക് ഉല്ലാസ യാത്രയുമായി കെഎസ്ആർടിസി. കോഴിക്കോട് കെഎസ്ആർടിസി ബഡ്ജറ്റ് ടൂറിസം സെല്ലാണ് ഉല്ലാസ യാത്ര സംഘടിപ്പിക്കുന്നത്. ജൂൺ 22നാണ് പൈതൽമല ഉല്ലാസ യാത്ര പുറപ്പെടുക.കോഴിക്കോട് കെഎസ്ആർടിസിയിൽ നിന്നും രാവിലെ 5 മണിക്ക് യാത്ര പുറപ്പെടും. രാത്രി 11 മണിക്ക് തിരികെ കോഴിക്കോട് കെഎസ്ആർടിസിയിൽ എത്തുന്ന രീതിയിലാണ് യാത്ര സംഘടിപ്പിക്കുന്നത്. പൈതൽമല, ഏഴരക്കുണ്ട് വെള്ളച്ചാട്ടം, പാലക്കയം തട്ട് എന്നീ സ്ഥലങ്ങളാണ് സന്ദർശിക്കുക. ഒരാൾക്ക് 730 രൂപയാണ് നിരക്ക് (ബസ് ചാർജ് മാത്രം). കൂടുതൽ വിവരങ്ങൾക്ക് 9946068832, 9544477954 എന്നീ നമ്പറുകളിൽ ബന്ധപ്പെടാം.ജൂൺ 25ന് സൈലൻറ് വാലി ഉല്ലാസ യാത്രയും കെഎസ്ആർടിസി സംഘടിപ്പിക്കുന്നുണ്ട്. രാവിലെ 5 മണിക്കാണ് കോഴിക്കോട് കെഎസ്ആർടിസിയിൽ നിന്നും സൈലൻറ് വാലി യാത്ര ആരംഭിക്കുക. ഒരാൾക്ക് 1,750 രൂപയാണ് ഈ പാക്കേജിന് വരുന്നത്. ഭക്ഷണം, എൻട്രി ഫീ, ബസ് ചാർജ് എന്നിവ ഈ പാക്കേജിൽ ഉൾപ്പെടുന്നു. സൈലൻറ് വാലി, കാഞ്ഞിരപ്പുഴ ഡാം എന്നീ സ്ഥലങ്ങളാണ് സന്ദർശിക്കുന്നത്. രാത്രി 11 മണിയ്ക്ക് കോഴിക്കോട് കെഎസ്ആർടിസിയിൽ തിരികെ എത്തും.
