കണ്ണൂരിലും ക്യൂ ആര് കോഡ് സ്കാനിംഗ് തട്ടിപ്പ് : റിലയൻസ് ട്രെൻഡ്സിൽ നിന്നും പണം തിരിമറി നടത്തിയ ജീവനക്കാരിക്കെതിരെ പൊലിസ് കേസെടുത്തു
2024 നവംബർ 21 മുതൽ 2025 മാർച്ച് 5 വരെയുള്ള കാലയളവിൽ വസ്ത്രങ്ങളുടെ വിൽപ്പനവില കമ്പനി അക്കൗണ്ടിൽ നിക്ഷേപിക്കാതെയും നിയമാനുസൃതമല്ലാത്ത എക്സ്ചേഞ്ച് വഴിയും 1,13,396 രൂപ റൊക്കം പണമായും ക്യൂ ആർ കോഡ് സ്കാനിംഗ്, ഗൂഗിൾപേ എന്നിവ വഴി സ്വന്തം ബാങ്ക് അക്കൗണ്ടിലേക്ക് ട്രാൻസ്ഫർ ചെയ്തും സ്വന്തം ഗൂഗിൾപേ നമ്പറിൽ നിന്ന് എസ്.ബി.ഐ, കേരള ഗ്രാമീൺ ബാങ്ക്, ജിയോ പേയ്മെന്റ് ബാങ്ക് എന്നീ സ്വന്തം അക്കൗണ്ടുകളിലേക്ക് തുക വകമാറ്റിയും ആകെ 2,46,370 രൂപ തട്ടിയെടുത്ത് ജോലി ചെയ്യുന്ന സ്ഥാപനത്തെ വഞ്ചിച്ചുവെന്നാണ് പരാതി. ഒക്ടോബർ 17 ന് റിലയൻസ് ട്രെൻഡ്സ് സ്റ്റോർ മാനേജർ എൻ.ഷഹബാസ് കണ്ണൂർ സിറ്റി പോലീസ് കമ്മീഷണർക്ക് നൽകിയ പരാതിയിലാണ് കണ്ണൂർ ടൗൺ പൊലിസ് കേസെടുത്തത്.
