ഓര്ത്തഡോക്സ്-യാക്കോബായ തര്ക്കം;പള്ളികള്ക്ക് പൊലീസ് സംരക്ഷണം നല്കണമെന്ന ഉത്തരവ് ഹൈക്കോടതി ഡിവിഷന് ബെഞ്ച് റദ്ദാക്കി
കൊച്ചി:ഓര്ത്തഡോക്സ്-യാക്കോബായ പള്ളിത്തര്ക്കവുമായി ബന്ധപ്പെട്ട് പള്ളികള്ക്ക് പൊലീസ് സംരക്ഷണം നല്കണമെന്ന ഹൈക്കോടതി സിംഗിള് ബെഞ്ച് ഉത്തരവ് ഡിവിഷന് ബെഞ്ച് റദ്ദാക്കി. യാക്കോബായ സഭ നല്കിയ ഹര്ജിയിലാണ് ഇത്.
ആറ് പളളികള്ക്കാണ് പൊലീസ് സംരക്ഷണം നല്കണമെന്ന് സിംഗിള് ബഞ്ച് ഉത്തരവിട്ടത്.എറണാകുളം പുളിന്താനം സെന്റ് ജോണ്സ് ബെസ്ഫാഗെ, ഓടക്കാലി സെന്റ് മേരീസ്, മഴുവന്നൂര് സെന്റ് തോമസ്, പാലക്കാട് മംഗലംഡാം സെന്റ് മേരീസ്, എരിക്കിന്ചിറ സെന്റ് മേരീസ്, ചെറുകുന്നം സെന്റ് തോമസ് എന്നീ പള്ളികള്ക്കായിരുന്നു സംരക്ഷണമുണ്ടായിരുന്നത്.
തര്ക്കം പരിഹരിക്കാന് സര്ക്കാര് മധ്യസ്ഥത വഹിക്കുമെന്ന സത്യവാംഗ്മൂലം കോടതി അംഗീകരിച്ചു. മുഖ്യമന്ത്രിയുടെ നേതൃത്വത്തില് ചര്ച്ച നടത്തുന്നത് ഗൗരവമായ ഇടപെടല് ആണെന്ന് കോടി പറഞ്ഞു.
