ലോറി നിയന്ത്രണംവിട്ട് മറിഞ്ഞത് റോഡിന് താഴെയുള്ള വീടിനരികിലേക്ക്, വീട്ടുകാർ ഇറങ്ങിയോടി; അപകടത്തിൽ ലോറി ഡ്രൈവർ മരിച്ചു
കാസർകോട്: മടിക്കൈ കാഞ്ഞിരപ്പൊയിലിൽ ലോറി നിയന്ത്രണം വിട്ട് വീടിന് അരികിലേക്ക് മറിഞ്ഞ് ലോറിഡ്രൈവർ മരിച്ചു. ചായ്യോം സ്വദേശി സാദിഖ് (40)ആണ് മരിച്ചത്. ശനിയാഴ്ച രാവിലെയാണ് അപകടം.റോഡിന് താഴെയുള്ള വീടിനരികിലേക്കാണ് ലോറി മറിഞ്ഞത്. വീടിന് കേടുപാട് സംഭവിച്ചു. ശബ്ദം കേട്ട് വീട്ടുകാർ ഇറങ്ങിയോടി.ചെങ്കല്ല് ഇറക്കിയ ശേഷം ലോറി എടുക്കുന്നതിനിടെ നിയന്ത്രണം വിടുകയായിരുന്നു. സമീപത്തെ വീടിന്റെ അരികിലേക്കാണ് ലോറി മറിഞ്ഞത്. അടുക്കള ഭാഗത്തിനാണ് കേടുപാട് സംഭവിച്ചത്.ഗുരുതരമായി പരിക്കേറ്റ സാദിഖിനെ ആശുപത്രിലെത്തിച്ചെങ്കിലും രക്ഷിക്കാനായില്ല
