'പപ്പാ നിങ്ങള്‍ മാത്രമാണ് എന്റെ മരണത്തിന് കാരണം. ഞാന്‍ നിങ്ങളെ വെറുക്കുന്നു പപ്പാ. നിങ്ങള്‍ എന്നെ ഒരിക്കലും ഒരു മകളായി പരിഗണിച്ചിട്ടില്ല. എന്നായിരുന്നു കുറിപ്പില്‍ എഴുതിയിരുന്നത്.
രാജ്‌കോട്ട്: രാജ്‌കോട്ട് ദോരാജിയിലെ ഹോസ്റ്റല്‍ മുറയില്‍ പ്ലസ് വണ്‍ വിദ്യാര്‍ത്ഥി മരിച്ച നിലയില്‍. ഗുജറാത്തിലെ പോര്‍ബന്ദര്‍ സ്വദേശി ദിവ്യ രമേശി(16)നെയാണ് തൂങ്ങിമരിച്ച നിലയില്‍ കണ്ടെത്തിയത്. സംഭവം ആത്മഹത്യയാണെന്നും പെണ്‍കുട്ടിയുടെ മുറിയില്‍ നിന്ന് ആത്മഹത്യാക്കുറിപ്പ് കണ്ടെടുത്തിട്ടുണ്ടെന്നും പോലീസ് പറഞ്ഞു. തന്റെ പിതാവാണ് മരണത്തിന് ഉത്തരവാദിയെന്ന് പെണ്‍കുട്ടിയുടെ ആത്മഹത്യാ കുറിപ്പില്‍ എഴുതിയിട്ടുണ്ടെന്നും പോലീസ് വ്യക്തമാക്കി.
'പപ്പാ നിങ്ങള്‍ മാത്രമാണ് എന്റെ മരണത്തിന് കാരണം. ഞാന്‍ നിങ്ങളെ വെറുക്കുന്നു പപ്പാ. നിങ്ങള്‍ എന്നെ ഒരിക്കലും ഒരു മകളായി പരിഗണിച്ചിട്ടില്ല. വഴക്കുപറയാനും മറ്റുള്ളവരോട് ഉത്തരവിടാനും മാത്രമേ നിങ്ങള്‍ക്ക് അറിയുകയുള്ളു' എന്നായിരുന്നു കുറിപ്പില്‍ എഴുതിയിരുന്നത്.
കഴിഞ്ഞ വെള്ളിയാഴ്ച രാത്രിയായിരുന്നു സംഭവം. റോയല്‍ സ്‌കൂളിലെ പ്ലസ് വണ്‍ വിദ്യാര്‍ത്ഥിനിയാണ് ദിവ്യ. വെള്ളിയാഴ്ച വൈകിട്ട് തലകറക്കം അനുഭവപ്പെടുന്നതായി ദിവ്യ ഹോസ്റ്റല്‍ വാര്‍ഡനോട് പറഞ്ഞിരുന്നു. തുടര്‍ന്ന് പെണ്‍കുട്ടിയെ ആശുപത്രിയില്‍ കൊണ്ടുപോകുകയും ചികിത്സ നല്‍കുകയും ചെയ്തിരുന്നു. ഇതിനു ശേഷമാണ് ദിവ്യയെ ആത്മഹത്യ ചെയ്ത നിലയില്‍ കണ്ടെത്തിയത്.
