തമിഴ്‌നാട്ടിലെ തിരുവണ്ണാമലൈയില്‍ കാറും ബസും കൂട്ടിയിടിച്ച് വൻ അപകടം; ഏഴ് പേര്‍ മരിച്ചു
ചെന്നൈ: തമിഴ്‌നാട്ടിലെ തിരുവണ്ണാമലൈയില്‍ കാറും ബസും കൂട്ടിയിടിച്ചുണ്ടായ അപകടത്തില്‍ ഏഴ് പേര്‍ മരിച്ചു. ആറ് ആസാം സ്വദേശികളും ഒരു തമിഴ്‌നാട് സ്വദേശിയുമാണ് മരിച്ചത്.
ഇന്ന് പുലര്‍ച്ചെ കൃഷ്ണഗിരി ദേശീയപാതയിലാണ് സംഭവം. പുതുച്ചേരിയിലെ പശനിര്‍മാണ ഫാക്ടറിയില്‍നിന്ന് വന്ന തൊഴിലാളികള്‍ അടങ്ങുന്ന സംഘമാണ് അപകടത്തില്‍പെട്ടത്. ഇവര്‍ സഞ്ചരിച്ച കാര്‍ തമിഴ്‌നാട് റോഡ് ട്രാന്‍സ്‌പോര്‍ട്ട് ബസുമായി കൂട്ടിയിടിക്കുകയായിരുന്നു.
അഞ്ച് പേര്‍ സംഭവസ്ഥലത്തുവച്ച് തന്നെ മരിച്ചു. ഗുരുതരമായി പരിക്കേറ്റ രണ്ട് പേരെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല
