സിസിബി വിരാജ്പേട്ട ദേശീയതല ഹോണലു ലൈറ്റ് ഫുട്ബോൾ ടൂർണമെൻ്റ് 16 മുതൽ
വിരാജ്പേട്ട: വിരാജ്പേട്ട നഗരത്തിലെ പ്രശസ്തമായ ഫുട്ബോൾ സർവീസ് ഓർഗനൈസേഷനായ സിസിബിയുടെ എട്ടാമത് പുരുഷ 5+2 ഹോണലു ലൈറ്റ് ഫുട്ബോൾ ടൂർണമെൻ്റ് ഫെബ്രുവരി 16 മുതൽ ആരംഭിക്കും. കൂർഗ് കാവേരി ബ്രിഗേഡിയേഴ്‌സ് ഫുട്ബോൾ അസോസിയേഷൻ വിരാജ്‌പേട്ടയുടെ 8-ാം വാർഷികത്തിൻ്റെ ഭാഗമായി നഗരത്തിലെ താലൂക്ക് ഗ്രൗണ്ടിൽ ആണ് പുരുഷ ദേശീയ തല 5+2 ഫുട്ബോൾ ടൂർണമെൻ്റ് സംഘടിപ്പിക്കുന്നത് . ഈ മാസം 16 ന് ആരംഭിക്കുന്ന ടൂർണ്ണമെന്റിന്റെ ഫൈനലും സമാപന ചടങ്ങും 18 ന് നടക്കും. ടൂർണമെൻ്റിൽ വിജയികളാകുന്ന ടീമിന് 100,001 രൂപയും ആകർഷകമായ ട്രോഫിയും റണ്ണേഴ്‌സ് അപ്പിന് 70,007 രൂപയും ട്രോഫിയും സമ്മാനിക്കും. കൂടാതെ ടൂർണമെൻ്റിൽ മികച്ച പ്രകടനം കാഴ്ചവെക്കുന്ന കായിക താരങ്ങൾക്ക് വ്യക്തിഗത അവാർഡുകളും നൽകും. ഗ്രാമീണ പ്രതിഭകളെ അംഗീകരിക്കുന്നതിനും പ്രോത്സാഹിപ്പിക്കുന്നതിനും സാമൂഹിക പരിഗണനയോടെയുള്ള സാമൂഹിക പ്രവർത്തനങ്ങൾ നടത്തുന്നതിനുമായി കായിക സംഘടന തുടർച്ചയായി 7 വർഷമായി ഫുട്ബോൾ ടൂർണമെൻ്റുകൾ നടത്തുന്നുണ്ടെന്ന് സംഘടനയുടെ പ്രസിഡൻ്റ് അഭിനവ് മാധ്യമങ്ങളെ അറിയിച്ചു. ഫുട്ബോൾ ടൂർണമെൻ്റിൽ പങ്കെടുക്കുന്ന ടീമുകളുടെ രജിസ്ട്രേഷനുള്ള അവസാന തീയതി 12-02-2024 ആണ്. ടീമുകളുടെ രജിസ്ട്രേഷനും കൂടുതൽ വിവരങ്ങൾക്കും 9353553922, 9353539848 എന്നീ ഫോൺ നമ്പറുകളിൽ ബന്ധപ്പെടുക.
