ജനങ്ങളുടെ ആഗ്രഹത്തിന് അനുസരിച്ച് പ്രവര്ത്തിക്കാന് കേന്ദ്ര വന്യജീവി സംരക്ഷണ നിയമത്തില് ഭേദഗതി വേണമെന്ന് വനം മന്ത്രി
![](https://hivisionchannel.in/wp-content/uploads/2024/02/saseendran.jpg)
ജനങ്ങളുടെ ആഗ്രഹത്തിന് അനുസരിച്ച് പ്രവര്ത്തിക്കാന് കേന്ദ്ര വന്യജീവി സംരക്ഷണ നിയമത്തില് ഭേദഗതി വേണമെന്ന് വനം മന്ത്രി എകെ ശശീന്ദ്രന്. ഇന്നത്തെ നിയമം വച്ച് ജനങ്ങളുടെ ആഗ്രഹത്തിന് അനുസരിച്ച് പ്രവര്ത്തിക്കാനാവില്ല. വന്യജീവികളെ വെടിവച്ചു കൊല്ലാന് അനുവാദം തേടി കേന്ദ്ര മന്ത്രിയെ കണ്ടിരുന്നു. സംസ്ഥാന സര്ക്കാരിനെ പ്രതിക്കൂട്ടില് നിര്ത്താതെ ബിജെപി കേന്ദ്ര സര്ക്കാരില് സമ്മര്ദ്ദം ചെലുത്തുകയാണ് വേണ്ടതെന്നും മന്ത്രി പറഞ്ഞു.
ബേലൂര് മഖ്നയെ പിടികൂടാനുള്ള ദൗത്യം ഉടന് ആരംഭിക്കുമെന്ന് മന്ത്രി അറിയിച്ചു. മയക്കുവെടി വച്ച് പിടികൂടിയാല് ആനയെ മുത്തങ്ങയിലേക്ക് മാറ്റും. നിരീക്ഷണത്തിനു ശേഷം തുടര് നടപടികള് തീരുമാനിക്കും. തണ്ണീര് കൊമ്പന്റെ അനുഭവം മുന്നിലുള്ളതിനാല് കൂടുതല് ജാഗ്രതയോടെയാവും ദൗത്യം പൂര്ത്തിയാക്കുക. ഇന്നലെ രണ്ടു പ്രതിസന്ധികള് അഭിമുഖീകരിക്കേണ്ടിവന്നു. ജനരോഷവും ആനയുടെ ആക്രമണവുമാണിതെന്നും അദ്ദേഹം വ്യക്തമാക്കി.