സോണിയ ഗാന്ധി കോൺഗ്രസ് പാർലമെന്റെറി പാർട്ടി ചെയർപേഴ്സൺ
സഭ സമ്മേളിക്കുന്നതിനു മുൻപ് തന്നെ പ്രതിപക്ഷ നേതാവിനെ തീരുമാനിക്കുമെന്നു കെസി വേണുഗോപാൽ വ്യക്തമാക്കി.
ന്യൂഡല്‍ഹി : കോണ്‍ഗ്രസ് പാര്‍ലമെന്ററി പാര്‍ട്ടി ചെയര്‍പേഴ്‌സനായി സോണിയ ഗാന്ധിയെ തിരഞ്ഞെടുത്തു. എഐസിസി അധ്യക്ഷന്‍ മല്ലികാര്‍ജുന്‍ ഖാര്‍ഗെയാണ് സോണിയയുടെ പേര് നിര്‍ദ്ദേശിച്ചത് . കെ സുധാകരന്‍ , ഗൗരവ് ഗൊഗോയ് , താരിഖ് അന്‍വര്‍ എന്നിവര്‍ പിന്തുണച്ചു.
ഇന്ന് ചേർന്ന പാർലമെന്ററി പാർട്ടി യോഗത്തിലാണ് സോണിയയെ ചെയർപേഴ്സൻ സ്ഥാനത്തേക്ക് നിർദ്ദേശിച്ചത്. പ്രതിപക്ഷ നേതൃ സ്ഥാനത്തേക്ക് രാഹുൽ ഗാന്ധിയുടെ പേരാണ് നിർദേശിച്ചത്. യോഗം പ്രമേയം പാസാക്കുകയും ചെയ്തു.
സഭ സമ്മേളിക്കുന്നതിനു മുൻപ് തന്നെ പ്രതിപക്ഷ നേതാവിനെ തീരുമാനിക്കുമെന്നു കെസി വേണുഗോപാൽ വ്യക്തമാക്കി. ഇതിനിടെ പ്രതിപക്ഷ നേതാവ് ആരായിരിക്കും എന്നത് കാത്തിരുന്നു കാണു എന്നായിരുന്നു ഖാർഗെ പ്രതികരിച്ചു.
