ആലപ്പുഴ: അമ്മയുമായി ടി വി റിമോട്ടിനെ ചൊല്ലി വഴക്കിട്ടത് മൂലം ഏഴാം ക്ലാസ് വിദ്യാര്‍ഥി ജീവനൊടുക്കി. തൂങ്ങിമരിക്കുകയായിരുന്നു. മരിച്ചത് കരിപ്പാലില്‍ തങ്കച്ചന്‍റെയും സിന്ധുവിന്‍റെയും മകന്‍ ആദിത്യനാണ്. ടി വിയുടെ റിമോട്ട് അമ്മ സിന്ധു മാറ്റിവച്ചതിനെത്തുടർന്ന് കുട്ടി തരാൻ ആവശ്യപ്പെട്ടിരുന്നെങ്കിലും നൽകിയിരുന്നില്ല. പിന്നാലെയാണ് കുട്ടി മുറിയിൽ കയറുകയും ജനലിൻ്റെ കമ്പിയിൽ തൂങ്ങിമരിക്കുകയും ചെയ്തത്. പൊലീസാണ് ഇക്കാര്യം അറിയിച്ചത്. ആശുപത്രി മോർച്ചറിയിലാണ് മൃതദേഹം. പോലീസ് അറിയിച്ചത് കുട്ടിയുടെ മൃതദേഹം ബന്ധുക്കൾക്ക് പോസ്റ്റുമോർട്ടത്തിനും തുടർനടപടികൾക്കും ശേഷം വിട്ടുനൽകുമെന്നാണ്.
