ഐഎഎസ് ഉദ്യോഗസ്ഥ തലത്തിൽ അഴിച്ചുപണി; രേണു രാജിന് മാറ്റം, മേഘശ്രീയ്ക്ക് വയനാട് കളക്ടറായി നിയമനം
തിരുവനന്തപുരം: സംസ്ഥാനത്ത് ഐഎഎസ് ഉദ്യോഗസ്ഥ തലത്തിൽ മാറ്റം. വയനാട് കളക്ടര് രേണു രാജിനെ എസ്ടി വകുപ്പ് ഡയറക്ടറായി സ്ഥലം മാറ്റി. രേണു രാജിന് പകരം മേഘശ്രീ വയനാട് കളക്ടറായി ചുമതലയേൽക്കും. ഒ.ആർ. കേളു സംസ്ഥാന മന്ത്രിസഭയിൽ അംഗമായതിന് പിന്നാലെയാണ് ഐഎഎസ് ഉദ്യോഗസ്ഥര്ക്കിടയിൽ അഴിച്ചുപണി. വയനാട് ജില്ലയിലെ വന്യമൃഗ ശല്യത്തിന് പരിഹാരം കാണാനുള്ള ശ്രമത്തിന്റെ ഭാഗമായാണ് മേഘശ്രീയെ കളക്ടറായി വയനാട്ടിൽ നിയമിച്ചത്.
കര്ണാടക സ്വദേശിയാണ് മേഘശ്രീ. ഡോക്ടർ അഥീല അബ്ദുള്ള കൃഷി വകുപ്പ് ഡയറക്ടറാകും. ബി. അബ്ദുൽ നാസറിനെ പുതിയ ഫിഷറീസ് ഡയറക്ടറായി നയമിച്ചു.