ഭക്ഷ്യക്കിറ്റില്‍ പുഴുവരിച്ച സാധനങ്ങൾ; ഭക്ഷ്യയോഗ്യമല്ലാത്ത വസ്തുക്കൾ നൽകിയത് ചൂരൽമല ദുരന്ത ബാധിതർക്ക്‌; മേപ്പാടി പഞ്ചായത്തിനെതിരെ പരാതി
@ameen white
കല്പറ്റ : ചൂരൽമല ദുരന്ത ബാധിതർക്ക്‌ പുഴുവരിച്ച ഭക്ഷ്യക്കിറ്റുകൾ നൽകിയെന്ന് പരാതി. മേപ്പാടി പഞ്ചായത്ത് വിതരണം ചെയ്തത് ഭക്ഷ്യയോഗ്യമല്ലാത്ത വസ്തുക്കളാണ് എന്നാണ് പരാതി. അരിയും റവയും ഉൾപ്പെടെയുള്ള സാധനങ്ങൾ ഉപയോഗിക്കാനാവില്ലെന്ന് ഗുണഭോക്താക്കൾ പറയുന്നു.
മൃഗങ്ങള്‍ക്ക് പോലും നല്‍കാന്‍ കഴിയാത്ത ഭക്ഷ്യവസ്തുക്കളാണ് നല്‍കിയിരിക്കുന്നതെന്നും വസ്ത്രങ്ങള്‍ ഉപയോഗിച്ചവയാണെന്നും ദുരന്ത ബാധിതർ ആരോപിക്കുന്നു. സന്നദ്ധ സംഘടനകളും റവന്യൂ വകുപ്പും നൽകിയ ഭക്ഷ്യ കിറ്റുകളാണ് ദുരന്ത ബാധിതർക്ക്‌ നൽകിയത് എന്നാണ് മേപ്പാടി പഞ്ചായത്ത് അധികൃതരുടെ വിശദീകരണം. സംഭവത്തില്‍ പഞ്ചായത്തിനെതിരെ പ്രതിഷേധത്തിന് ഒരുങ്ങുകയാണ് ദുരന്ത ബാധിതർ.
