മട്ടന്നൂർ ശിവപുരത്ത് യുവാവ് കിണറ്റിൽ വീണ് മരിച്ചു
ഉരുവച്ചാൽ: ശിവപുരം മൊട്ട ഞാലിൽ യുവാവ് വീട്ടുകിണറ്റിൽ വീണു മരിച്ചു. മരുവഞ്ചേരിയിലെ എം അനീഷ് (45) ആണ് വീട്ടിലെ കിണറ്റിൽ വീണ് മരണപ്പെട്ടത്. ഇന്നലെ രാത്രി 8 ഓടെ ജോലി കഴിഞ്ഞ് വീട്ടിലേക്ക് പോകവെ അബദ്ധത്തിൽ വീട്ടുകിണറ്റിൽ വീഴുകയായിരുന്നു. മട്ടന്നൂരിൽ നിന്ന് ഫയർഫോഴ്സ് എത്തി പുറത്തെടുത്ത്. തലശ്ശേരിയിലെ സ്വകാര്യ ആശുപത്രിയിൽ എത്തിക്കുമ്പോഴേക്കും മരണപ്പെടുകയായിരുന്നു. മട്ടന്നൂരിലെ ബൈക്കറി കടയിലെ ജീവനക്കാരനായിരുന്നു. ഗോപാലന്റെയും സരോജിനിയുടെയും മകനാണ്.
സഹോദരങ്ങൾ: ഷൈനി,റീന,ഷൈമ.
മൃതദേഹം തലശ്ശേരി ഗവ: ആശുപത്രി മോർച്ചറിയിൽ.
