സംസ്ഥാനത്ത് ഇന്നും നാളെയും ട്രെയിൻ ഗതാഗതത്തിൽ നിയന്ത്രണം. ഓച്ചിറയിലും ആലപ്പുഴയിലും മേൽപ്പാലങ്ങളുടെ പണി നടക്കുന്നതിനാലാണ് നിയന്ത്രണം.

ഭാഗികമായി റദ്ദാക്കിയവ

ഇന്നലെ നിസാമുദ്ദീനിൽ നിന്ന് പുറപ്പെട്ട തിരുവനന്തപുരം വിക്കി എക്‌സ്പ്രസ് (22654) നാളെ പുലർച്ചെ കായംകുളത്ത് യാത്ര അവസാനിപ്പിക്കും.

ഇന്ന് വൈകീട്ട് നാലിന് ചെന്നൈയിൽ നിന്ന് പുറപ്പെടുന്ന ചെന്നൈ തിരുവനന്തപുരം എസി എക്‌സ്പ്രസ് എറണാകുളം ജങ്ഷനിൽ യാത്ര അവസാനിപ്പിക്കും.

തിരുവനന്തപുരം ചെന്നൈ എസി എക്‌സ്പ്രസ് നാളെ രാത്രി 7.35ന് എറണാകുളത്ത് നിന്ന് പുറപ്പെടും.

വൈകുന്നവ:

ഇന്നത്തെ മഗളൂരു തിരുവനന്തപുരം എക്‌സ്പ്രസ് (16348) രണ്ട മണിക്കൂർ വൈകിയാണ് ഓടുന്നത്.

രാമേശ്വരം തിരുവനന്തപുരം അമൃത എക്‌സ്പ്രസ്, ഗുരുവായൂർ ചെന്നൈ എക്‌സ്, നിലമ്പൂർ തിരുവനന്തപുരം നോർത്ത് രാജ്യറാണി എന്നിവ രണ്ട് മണിക്കൂർ വൈകും.

ഇന്നത്തെ മംഗളൂരു തിരുവനന്തപുരം മാവേലി, മംഗളൂരു തിരുവനന്തപുരം അന്ത്യോദയ എന്നിവ ഒന്നര മണിക്കൂർ വൈകും.

തിരുപ്പതി കൊല്ലം എക്‌സ്പ്രസ്, ചെന്നൈ തിരുവനന്തപുരം സൂപ്പർ ഫാസ്റ്റ് എന്നിവ അര മണിക്കൂറും. ഇന്നത്തെ മം ഗളൂരു തിരുവനന്തപുരം മലബാർ 10 മിനിറ്റും ചെന്നൈ ഗുരുവായൂർ എക്‌സ്പ്രസ് രണ്ടര മണിക്കൂറും വൈകും.

നാളെ പുലർച്ചെ 3.45നുള്ള കൊല്ലം ആലപ്പുഴ മെമു 30 മിനിറ്റും 4.20ൻ്റെ കൊല്ലം എറണാകുളം മെമു 10 മിനിറ്റും വൈകും.