മലപ്പുറം: നിയമസഭ തെരഞ്ഞെടുപ്പ് സ്ഥാനാർത്ഥി നിർണായത്തിൽ മുസ്ലിം ലീഗിൽ ധാരണ. പി.കെ കുഞ്ഞാലിക്കുട്ടി വേങ്ങരയിൽ നിന്ന് മലപ്പുറത്തേക്ക് മാറും.പകരം കെ.എം ഷാജിയെ വേങ്ങരയിൽ മത്സരിപ്പിക്കാൻ ധാരണ. പാർട്ടി ജനറൽ സെക്രട്ടറി പി.എം.എ സലാം ഇപ്രാവശ്യം മത്സരത്തിനില്ല. കാസർകോട്ട് ഷാജി മത്സരിക്കുന്നതിൽ പ്രാദേശിക എതിർപ്പ് നിലനിന്നിരുന്നു. സ്ഥാനാർഥി പ്രഖ്യാപനത്തിന് മുന്നോടിയായി ലീഗ് നേതൃയോഗം മലപ്പുറത്ത് നടക്കുകയാണ്. ഇന്ന് വൈകീട്ടോടെ ചർച്ചകൾ പൂർത്തിയാക്കി നാളെ സ്ഥാനാർഥി പ്രഖ്യാപനം ഉണ്ടായേക്കും.
