കടലിൽ തിരയിളകുന്നത് പോലെ! പെട്ടെന്ന് കൂറ്റൻ കിണറിന് അടുത്തായി പേടിപ്പെടുത്തുന്ന കാഴ്ച; എല്ലാം കണ്ട് നടുങ്ങി ഗ്രാമവാസികൾ; അഞ്ചുദിവസമായി ഇത് തുടർന്നതോടെ കളക്ടർ അടക്കം സ്ഥലത്തെത്തി; വെള്ളത്തിന്റെ അവസ്ഥ നിഗുഢം തന്നെ; പിന്നിലെ യഥാർത്ഥ കാരണമെന്ത്
കഴിഞ്ഞ അഞ്ച് ദിവസമായി കിണറ്റിലെ വെള്ളം ഇത്തരത്തിൽ നിർത്താതെ ചലിച്ചുകൊണ്ടിരിക്കുകയാണെന്ന് ഗ്രാമവാസികൾ പറയുന്നു. ഒട്ടും സാധാരണയല്ലാത്ത ഈ സംഭവം ശ്രദ്ധയിൽപ്പെട്ടതിനെ തുടർന്ന് മോർബി ജില്ലാ കളക്ടർ വിഷയത്തിൽ ഇടപെട്ടിട്ടുണ്ട്. പ്രതിഭാസത്തെക്കുറിച്ച് അടിയന്തരമായി അന്വേഷിച്ച് റിപ്പോർട്ട് സമർപ്പിക്കാൻ ബന്ധപ്പെട്ട വകുപ്പുകളോട് കളക്ടർ ആവശ്യപ്പെട്ടു.
വെള്ളം ഇത്തരത്തിൽ ഭയപ്പെടുത്തുന്ന രീതിയിൽ ഓളംവെട്ടുന്നതിന്റെ യഥാർത്ഥ കാരണം കണ്ടെത്താൻ അധികൃതർക്ക് ഇതുവരെ സാധിച്ചിട്ടില്ല. ശാസ്ത്രീയമായ വിശദീകരണങ്ങൾ ഒന്നും തന്നെ വരാത്തതിനാൽ ഈ പ്രതിഭാസം ഇപ്പോഴും ഒരു നിഗൂഢതയായി തുടരുകയാണ്. ഇതോടെ കിണർ കാണാനായി സമീപപ്രദേശങ്ങളിൽ നിന്ന് നിരവധി ആളുകളാണ് ഗ്രാമത്തിലേക്ക് എത്തുന്നത്.
മോർബി ജില്ലയും പരിസര പ്രദേശങ്ങളും ഭൂകമ്പ സാധ്യത വളരെ കൂടുതലുള്ള മേഖലയാണ്. അതുകൊണ്ടുതന്നെ ഭൂമിയുടെ അടിത്തട്ടിലുണ്ടാകുന്ന എന്തെങ്കിലും തരത്തിലുള്ള ചലനങ്ങളോ ഭൗമശാസ്ത്രപരമായ മാറ്റങ്ങളോ ആകാം ഈ ജലപ്രതിഭാസത്തിന് പിന്നിലെന്ന് ചില വിദഗ്ധരും പ്രദേശവാസികളും സംശയിക്കുന്നുണ്ട്.
എങ്കിലും, ഭൂഗർഭ മർദ്ദ വ്യതിയാനമാണോ അതോ മറ്റ് പ്രകൃതിദത്ത കാരണങ്ങളാണോ ഇതിന് പിന്നിലെന്ന് അറിയാൻ ഔദ്യോഗിക സ്ഥിരീകരണം ആവശ്യമാണ്. കിണറ്റിലെ വെള്ളത്തിന്റെ ഈ അസാധാരണ ചലനത്തിന് പിന്നിലെ യഥാർത്ഥ ശാസ്ത്രീയ വശങ്ങൾ കണ്ടെത്താനായി ഭൗമശാസ്ത്ര വിദഗ്ധരുടെ വിശദമായ പരിശോധനയ്ക്കായി കാത്തിരിക്കുകയാണ് നിലവിൽ അധികൃതരും ഗ്രാമവാസികളും.
