ഗുണ്ടൽപേട്ടിൽ വാഹനാപകടം: കണ്ണൂർ സ്വദേശികളായ രണ്ട് പേർക്ക് ദാരുണാന്ത്യം; അപകടത്തിൽപ്പെട്ടത് ഊട്ടിയിലേക്ക് വിനോദയാത്ര പോയ സംഘം

ഗുണ്ടൽപേട്ടിൽ വാഹനാപകടം: കണ്ണൂർ സ്വദേശികളായ രണ്ട് പേർക്ക്  ദാരുണാന്ത്യം; അപകടത്തിൽപ്പെട്ടത് ഊട്ടിയിലേക്ക് വിനോദയാത്ര പോയ സംഘം 

കണ്ണൂർ: കർണാടകയിലെ ഗുണ്ടൽപേട്ടിലുണ്ടായ ദാരുണമായ വാഹനാപകടത്തിൽ രണ്ട് മലയാളികൾ മരിച്ചു. കണ്ണൂർ സ്വദേശികളായ മുനീർ, മുനീറ എന്നിവരാണ് മരിച്ചത്. ഊട്ടിയിലേക്ക് വിനോദയാത്ര പോയ ഏഴംഗ സംഘമാണ് അപകടത്തിൽപ്പെട്ടത്.(A tragic road accident in Gundlupet has resulted in the deaths of two Malayalis)

ഇവർ സഞ്ചരിച്ചിരുന്ന കാർ എതിർദിശയിൽ വന്ന ലോറിയുമായി കൂട്ടിയിടിക്കുകയായിരുന്നു. അപകടത്തിൽ കാർ പൂർണ്ണമായും തകർന്നു. കാറിലുണ്ടായിരുന്ന മറ്റ് അഞ്ച് പേർക്ക് അപകടത്തിൽ പരിക്കേറ്റു.

ഇവരെ ആശുപത്രിയിൽ പ്രവേശിപ്പിച്ചു. പരിക്കേറ്റവരിൽ ഒരു കുട്ടിയുടെ നില അതീവ ഗുരുതരമാണെന്നാണ് ലഭ്യമായ വിവരം. പരിക്കേറ്റവർക്ക് വിദഗ്ധ ചികിത്സ ലഭ്യമാക്കാനുള്ള നടപടികൾ സ്വീകരിച്ചുവരികയാണ്.