പത്തനംതിട്ട: പ്രമുഖ സിനിമ-സീരിയൽ താരം സന്തോഷ് കെ. നായർ (65) വാഹനാപകടത്തിൽ അന്തരിച്ചു. ചൊവ്വാഴ്ച രാവിലെ ആറരയോടെ അടൂർ ഏനാത്ത് വച്ചുണ്ടായ അപകടത്തിലാണ് അന്ത്യം. കാറും എതിരെ വന്ന ലോറിയും തമ്മിൽ ഇടിക്കുകയായിരുന്നു.(Malayalam Actor Santhosh K Nayar passes away In Road Accident At Adoor)
അപകടത്തിന് പിന്നാലെ ആശുപത്രിയിൽ ചികിത്സയിലിരിക്കെ ഹൃദയാഘാതം സംഭവിച്ചതാണ് മരണകാരണം എന്നാണ് വിവരം. തിരുവനന്തപുരത്തുനിന്ന് കോട്ടയം ഭാഗത്തേക്ക് ഭാര്യ ശുഭശ്രീക്കൊപ്പം യാത്ര ചെയ്യുകയായിരുന്നു സന്തോഷ്. കാർ തകർന്നു, ഉടൻ തന്നെ ഇരുവരെയും ആശുപത്രിയിൽ എത്തിച്ചെങ്കിലും സന്തോഷിന്റെ ജീവൻ രക്ഷിക്കാനായില്ല. ഭാര്യ ശുഭശ്രീയുടെ പരിക്ക് ഗുരുതരമല്ല.
നാല് പതിറ്റാണ്ടിലേറെ നീണ്ട അഭിനയ ജീവിതത്തിൽ നൂറിലധികം സിനിമകളിൽ അദ്ദേഹം വേഷമിട്ടു. വില്ലനായും നായകനായും ഹാസ്യനടനായും അദ്ദേഹം പ്രേക്ഷകരെ വിസ്മയിപ്പിച്ചു. ‘മോഹിനിയാട്ടം’ ആണ് അവസാന ചിത്രം. ഇതിലെ അദ്ദേഹത്തിന്റെ പ്രകടനം ഏറെ ശ്രദ്ധിക്കപ്പെട്ടിരുന്നു
